बृहत्पाराशरहोराशास्त्रम् 31.1
भगवान् याऽर्गला प्रोक्ता शुभदा भवताऽधुना।
तामहं स्रोतुमिच्छामि सलक्षणफलं मुने॥ १॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 31 · अध्यायः ३१ (अथाऽर्गलाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 31.2
मैत्रेय सार्गला नाम यया भावफलं दृढम्।
स्थिरं खेटफलं च स्यात् साऽधुना कथ्यते मया॥ २॥
बृहत्पाराशरहोराशास्त्रम् 31.3
चतुर्थे च धने लाभे ग्रहे ज्ञेया तदर्गला।
तद्बाधकाः क्रमात् खेटा व्योमरिष्फतृतीयगाः॥ ३॥
बृहत्पाराशरहोराशास्त्रम् 31.4
निर्बला न्यूनसंख्या वा बाधका नैव सम्मताः।
तृतीये व्याधिकाः पापा यत्र मैत्रेय बाधकाः॥ ४॥
बृहत्पाराशरहोराशास्त्रम् 31.5
तत्रापि चार्गला ज्ञेया विपरीता द्विजोत्तम।
तथापि खेटभावानां फलमर्गलितं विदुः॥ ५॥
बृहत्पाराशरहोराशास्त्रम् 31.6
पञ्चमं चार्गलास्थानं नवमं तद्विरोधकृत्।
तमोग्रहभवा सा च व्यत्ययाज् ज्ञायते द्विज॥ ६॥
बृहत्पाराशरहोराशास्त्रम् 31.7
एकग्रहा कनिष्ठा सा द्विग्रहा मध्यमा स्मृता।
अर्गला द्व्यधिकोत्पन्ना मुनिभिः कथितोत्तमा॥ ७॥
बृहत्पाराशरहोराशास्त्रम् 31.8
राशितो ग्रहतश्चापि विज्ञेया द्विविधाऽर्गला।
निर्बाधका सुफलदा विफला च सबाधका॥ ८॥
बृहत्पाराशरहोराशास्त्रम् 31.9
यत्र राशौ स्थितः खेटस्तस्य पाकान्तरं यदा।
तस्मिन् काले फलं ज्ञेयं निर्विशंकं द्विजोत्तम॥ ९॥
बृहत्पाराशरहोराशास्त्रम् 31.10
अर्गलां प्रतिबन्धञ्च कथमांघ्रिचतुर्थयोः।
द्वित्र्यङ्घ्रयोश्च मिथो विप्र चिन्तयेदिति मे मतम्॥ १०॥
बृहत्पाराशरहोराशास्त्रम् 31.11
पदे लग्ने मदे वापि निराभासार्गला यदा।
तदा जातोऽतिविख्यातो बहुभाग्ययुतो भवेत्॥ ११॥
बृहत्पाराशरहोराशास्त्रम् 31.12
यस्य पापः शुभो वापि ग्रहस्तिष्ठेत् शुभार्गले।
तेन द्रष्ट्रेक्षितं लग्नं प्राबल्यायोपकल्प्यते॥ १२॥
बृहत्पाराशरहोराशास्त्रम् 31.13
सार्गले च धने विप्र धनधान्यसमन्वितः।
तृतीये सोदरादीनां सुखमुक्तं मनीषिभिः॥ १३॥
बृहत्पाराशरहोराशास्त्रम् 31.14
चतुर्थे सार्गले गेहपशुबन्धुकुलैर्युतः।
पञ्चमे पुत्रपौत्रादिसंयुतो बुद्धिमान्नरः॥ १४॥
बृहत्पाराशरहोराशास्त्रम् 31.15
षष्ठे रिपुभयं कामे धनदारसुखं बहु।
अष्टमे जायते कष्टं धर्मे भाग्योदयो भवेत्॥ १५॥
बृहत्पाराशरहोराशास्त्रम् 31.16
दशमे राजसम्मानं लाभे लाभसमन्वितः।
सार्गले च व्यये विप्र व्ययाधिक्यं प्रजायते॥ १६॥
बृहत्पाराशरहोराशास्त्रम् 31.17
शुभग्रहार्गलायां तु सौख्यं बहुविधं भवेत्।
मध्यं पापार्गलायां च मिश्रायामपि चोत्तमम्॥ १७॥
बृहत्पाराशरहोराशास्त्रम् 31.18
लग्नपञ्चमभाग्येषु सार्गलेषु द्विजोत्तम।
जातश्च जायते राजा भाग्यवान् नात्र संशयः॥ १८॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 31 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A9%E0%A5%A7_(%E0%A4%85%E0%A4%A5%E0%A4%BE%E0%A4%BD%E0%A4%B0%E0%A5%8D%E0%A4%97%E0%A4%B2%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74908