बृहत्पाराशरहोराशास्त्रम् 26.26
अथ ग्रहस्फुटदृष्टिकथनाध्ययाः॥२६॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 26 · अध्यायः २६ (ग्रहस्फुटदृष्टिकथनाध्ययाः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 26.1
भगवान् कतिधा दृष्टिर्बलं कतिविधं तथा।
इति मे संशयो जातस्तं भवान् छेत्तुमर्हिति॥ १॥
बृहत्पाराशरहोराशास्त्रम् 26.2
एका राशिवशाद् दृष्टिः पूर्वमुक्ता च या द्विज।
अन्या खेटस्वभावोत्था स्फुटा तां कथयाम्यहम्॥ २॥
बृहत्पाराशरहोराशास्त्रम् 26.3
त्रिदशे च त्रिकोणे च चतुरस्रे च सप्तमे।
पादवृद्धया प्रपश्यन्ति प्रयच्छन्ति फलं तथा॥ ३॥
बृहत्पाराशरहोराशास्त्रम् 26.4
पूर्णं च सप्तमं सर्वे शानिजीवकुजाः पुनः।
विशेषतश्च त्रिदशत्रिकोणचतुरष्टमान्॥ ४॥
बृहत्पाराशरहोराशास्त्रम् 26.5
इति सामान्यतः पूर्वैराचार्यैः प्रतिपादिता।
स्फुटान्तरवशाद्या च दृष्टिः साऽतिस्फुटा यथा॥ ५॥
बृहत्पाराशरहोराशास्त्रम् 26.6
दृश्याद् विशोध्य द्रष्टारं षड्राशिभ्योऽधिकान्तरम्।
दिगभ्यः संशोध्य तद्भागा द्विभक्ता दृक् स्फुटा भवेत्॥ ६॥
बृहत्पाराशरहोराशास्त्रम् 26.7
पञ्चाधिके विना राशिं भागाद्विघ्नाश्च दृक् स्फुटा।
वेदाधिके त्यजेद् भूताद् भागा दृष्टिः त्रिभाधिके॥ ७॥
बृहत्पाराशरहोराशास्त्रम् 26.8
विशोध्यार्णवतो द्वाभ्यां लब्धं त्रिंशद्युतं च दृक्।
द्व्यधिके तु विना राशिं भागास्तिथियुतास्तथा॥ ८॥
बृहत्पाराशरहोराशास्त्रम् 26.9
रूपाधिके विना राशिं भागा द्वयाप्ताश्च दृग् भवेत्।
एवं राश्यादिके शेषे शनौ द्रष्टरि भो द्विज॥ ९॥
बृहत्पाराशरहोराशास्त्रम् 26.10
एकभे नवभे भागा भुक्ता भोग्या द्विसंगुणाः।
द्विभेंऽशार्धोनिताः षष्टिरष्टभे खाग्नियुग् लवाः॥ १०॥
बृहत्पाराशरहोराशास्त्रम् 26.11
त्रिसप्तभे तु भौमस्य षष्टिरत्र लवोनिता।
सार्धांशास्तिथिसंयुक्ता द्विभे रूपं सदाऽङ्गभे॥ ११॥
बृहत्पाराशरहोराशास्त्रम् 26.12
त्रिसप्तभे तु जीवस्य भागार्धं शरवेदयुक्।
द्विगुणैस्तु लवैश्चोनाः खरसाश्चतुरष्टभे॥ १२॥
बृहत्पाराशरहोराशास्त्रम् 26.13
एवं रव्यादिखेटानां स्फुटा दृष्टिः प्रजायते।
तद्वशादेव भावानां जातकस्य फलं वदेत्॥ १३॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 26 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%AC_(%E0%A4%97%E0%A5%8D%E0%A4%B0%E0%A4%B9%E0%A4%B8%E0%A5%8D%E0%A4%AB%E0%A5%81%E0%A4%9F%E0%A4%A6%E0%A5%83%E0%A4%B7%E0%A5%8D%E0%A4%9F%E0%A4%BF%E0%A4%95%E0%A4%A5%E0%A4%A8%E0%A4%BE%E0%A4%A7%E0%A5%8D%E0%A4%AF%E0%A4%AF%E0%A4%BE%E0%A4%83)&oldid=74900