Astrological HarshAuthor · Teacher · Researcher
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES

बृहत्पाराशरहोराशास्त्रम् · अध्याय 45 · अध्यायः ४५ (ग्रहावस्थाध्यायः)

शास्त्रीय ग्रंथ केन्द्र / बृहत्पाराशरहोराशास्त्रम्

97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।

मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।

स्रोत में दोहराए श्लोक क्रमांक मिले; पहली प्रति रखी गई।

बृहत्पाराशरहोराशास्त्रम् 45.25

भवति मुदितयोगे वासशालाविशाला |
विमलवसनभूषाभूमियोषासु सौख्यम् |
स्वजनजनविलासो भूमिपागारवासो |
रिपुनिवहविनाशो बुद्धिविद्याविकाशः ||२५||

बृहत्पाराशरहोराशास्त्रम् 45.27

संक्षोभितस्यापि फलं विशेषाद्द्रिद्रजातं कुमतिं च कष्टम् |
करोति वित्तक्षयमंध्रिबाधां धनाप्तिबाधामवनीशकोपात् ||२७||

बृहत्पाराशरहोराशास्त्रम् 45.28

क्षुधितखगवशाद्वै शोकमोहादिपातः |
परिजनपरितापादाधिभीत्या कृशत्वम् |
कलिरपि रिपुलोकैरर्थबाधा नराणा |
मखिलब्बलनिरोधो बुद्धिरोधो विषादात् ||२८||

बृहत्पाराशरहोराशास्त्रम् 45.29

तृषितखगभवे स्वादंगनासंगमध्ये |
भवति गदविकारो दृष्टकार्याधिकारः |
निजजनपरिवादादर्थहानिः कृशत्वं |
खलकृतपरितापो मानहानिः सदैव ||२९||

बृहत्पाराशरहोराशास्त्रम् 45.40

मन्दाग्निरोगो बहुधा नराणां स्थूलत्वमन्ङ् घ्रेरपिपित्तकोपः |
व्रणं गुदे शूलमुरःप्रदेशे यदोष्णभानुः शयनं प्रयातः ||४०||

बृहत्पाराशरहोराशास्त्रम् 45.46

सभागते हिते नरः परोपकारतत्परः |
सदार्थरत्नपूरितो दिवाकरे गुणाकरः |
वसुन्धरानवांबरालयान्वितो महाबली |
विचित्रमित्रवत्सलः कृपाकलाधरः परः ||४६||

बृहत्पाराशरहोराशास्त्रम् 45.48

सदाङ्गसन्धिवेदनापराङ्गनाधनक्षयो |
बलक्षयः पदे पदे यदा यदा हि भोजने |
असत्यता शिरोव्यथा तथा वृथान्नभोजनं |
रवावसत्तथारतिः कुमार्गगामिनी मति ||४८||

बृहत्पाराशरहोराशास्त्रम् 45.49

विज्ञलोकैः स्दा मण्डितः पण्डितः काव्यविद्यानवद्यप्रलापान्वितः |
राजपूज्यो धरामण्डले सर्वदा नृत्यलिप्सागते पद्मिनीनायके ||४९||

बृहत्पाराशरहोराशास्त्रम् 45.50

सर्वदानन्दधर्ता जनो ज्ञानवान् यज्ञकर्ता धराधीशसद्मस्थितः |
पद्मबन्धावरातेर्भयं स्वाननः काव्यविद्याप्रलापी मुदा कौतुके ||५०||

बृहत्पाराशरहोराशास्त्रम् 45.55

यदा राकानाथे गतवति विकाशं च जनने |
विकाशः संसारे विमलगुणराशेरवनिपात् |
नवाशामाला स्यात्करितुरगलक्ष्म्या परिवृता |
विभूषा योषाभिः सुखमनुदिनं तीर्थगमनम् ||५५||

बृहत्पाराशरहोराशास्त्रम् 45.58

सकलजनवदान्यो राजराजेन्द्रमान्यो |
रतिपतिसमाकान्तिः शान्तिकृत्कामिनीनाम् |
सपदि सदसि याते चारुबिम्बे शशंके |
भवति परमरीतिप्रीतिविज्ञो गुणज्ञः ||५८||

बृहत्पाराशरहोराशास्त्रम् 45.67

प्रकाशो गुणस्यापि वासः प्रकाशे धराधीशभ्रतुः सदा मानवृद्धिः |
सुते भूसुते पुत्रकान्तावियोगो भवेद्राहुणा दारुणो वा निपातः ||६७||

बृहत्पाराशरहोराशास्त्रम् 45.70

तुङ्गे युद्धकलाकलापकुशलो धर्मध्वजो वित्तपः |
कोणे भूमिसुते सभामुपगते विद्याविहीनः पुमान् |
अन्तेऽपत्यकलत्रमित्ररहितः प्रोक्तेतरस्थानगे |
ऽवश्यं राजसभाबुधो बहुधनी मानी च दानी जनः ||७०||

बृहत्पाराशरहोराशास्त्रम् 45.73

नृत्यलिप्सागते भूसुते जन्मिनामिन्दिराराशिरायाति भूमीपतेः |
स्वर्नरत्नप्रवालैः सदा मण्डिता वासशाला नराणां भवेत्सर्वदा ||७३||

बृहत्पाराशरहोराशास्त्रम् 45.78

विद्याविवेकरहितो हिततोषहीनो मनी |
जनोभवति चन्द्रसुतेऽक्षि पाणौ |
पुत्रालये सुतकलत्रसुखेन हीनः कन्या |
प्रजा नृपतिगेहबुधो वरार्थः ||७८||

बृहत्पाराशरहोराशास्त्रम् 45.81

सपदि विदि जनानामुच्चगे जन्मकाले |
सदसि धनसमृद्धिः सर्वदा पुण्यवृद्धिः |
धनपतिसमता वा भूपता मंत्रिता वा |
हरिहरपदभक्तिः सात्त्विकी मुक्तिलब्धिः ||८१||

बृहत्पाराशरहोराशास्त्रम् 45.83

भोजने चन्द्रजे जन्मकाले यदा जन्मिनानर्थहानिः सदा वादतः |
राजभीत्या कृशत्वंचलत्वं मतेरङ्गसङ्गो न जाया न जायासुखम् ||८३||

बृहत्पाराशरहोराशास्त्रम् 45.84

नृत्यलिप्सागते चन्द्रजे मानवो मानयानप्रवालव्रजैः संयुतः |
मित्रपुत्रप्रतापैः सभापण्डितः पापभे वारवामारतो लम्पटः ||८४||

बृहत्पाराशरहोराशास्त्रम् 45.85

कौतुके चन्द्रजे जन्मकाले नृणामंगभे गीतविद्याऽनवद्या भवेत् |
सप्तमे नैधने वारवध्वा रतिः पुण्यभे पुण्ययुक्ता मतिः सद्गतिः ||८५||

बृहत्पाराशरहोराशास्त्रम् 45.89

नेत्रपाणिं गते देवराजार्चिते रोगयुक्तो वियुक्तो वरार्थश्रिया |
गीतनृत्यप्रियः कामुकः सर्वदा गौरवर्णो विवर्णोद्भवप्रीतियुक् ||८९||

बृहत्पाराशरहोराशास्त्रम् 45.90

गुणानामानन्दं विमलसुखकन्दं वितनुते |
सदा तेजःपुञ्जं व्रजपतिनिकुञ्जं प्रतिगमम् |
प्रकाशं चेदुच्चे द्रुतमुपगतो वासवगुरु |
र्गुरुत्वं लोकानां धनपतिसमत्वं तनुभृताम् ||९०||

बृहत्पाराशरहोराशास्त्रम् 45.93

सुरगुरुसमवक्ता शुभ्रमुक्ताफलाढ्यः |
सदसि सपदि पूर्णो वित्तमाणिक्यमानैः |
गजतुरगरथाढ्यो देवताधीशपूज्यो |
जनुषि विविधविद्यागर्वितो मानवः स्यात् ||९३||

बृहत्पाराशरहोराशास्त्रम् 45.94

नानावाहनमानयानपटलीसौख्यं गुरावागमे |
भृत्यापत्यकलत्रमित्रजसुखं विद्याऽनवद्या भवेत् |
क्षोणीपालसमानतानवरतं चाऽतीव हृद्या मतिः |
काव्यानन्दरतिः सदा हिनगतिः सर्वत्र मानोन्नतिः ||९४||

बृहत्पाराशरहोराशास्त्रम् 45.96

नृत्यलिप्सागते राजमानी धनी देवताधीशवन्द्यः सदा धर्मवित् |
तन्त्रविज्ञो बुधैर्मण्डितः पंडितः शब्दविद्यानविद्यो हि सद्यो जनः ||९६||

बृहत्पाराशरहोराशास्त्रम् 45.97

कुतूहली सकौतुके माहाधनी जनः सदा |
निजान्वये च भास्करः कृपाकलाधरः सुखी |
निलिम्पराजपूजिते सुतेन भूनयेन वा |
युतो महाबली धराधिपेन्द्रसद्मपण्डितः ||९७||

बृहत्पाराशरहोराशास्त्रम् 45.101

नेत्रपाणिंगते लग्नगेहे कवौ सप्तमे मानभे यस्य तस्य ध्रुवम् |
नेत्रपाते निपातो धनानामलं चान्यभे वासशाला विशाला भवेत् ||१०१||

बृहत्पाराशरहोराशास्त्रम् 45.102

स्वालये तुंगभे मित्रभे भार्गवे तुंगमातंगलीलाकलापी जनः |
भूपतेस्तुल्य एव प्रकाशं गते काव्यविद्याकलाकैतुकी गीतवित् ||१०२||

बृहत्पाराशरहोराशास्त्रम् 45.105

अनायासेनालं सपदि महसा याति सहसा |
प्रगल्भत्वंराज्ञः सदसि गुणविज्ञः किल कवौ |
सभायामायाते रिपुनिवहहन्ता धनपतेः |
समत्वं वा दाता बलतुरगगन्ता नरवरः ||१०५||

बृहत्पाराशरहोराशास्त्रम् 45.106

आगमे भार्गवे मागमो जन्मिनामर्थराशेररातेरतीव क्षतिः |
पुत्रपातो निपातो जनानामपिव्याधिभीतिः प्रियाभोगहानिर्भवेत् ||१०६||

बृहत्पाराशरहोराशास्त्रम् 45.108

काव्यविद्यानवद्या च हृद्या मतिः सर्वदा नृत्यलिप्सागते भार्गवे |
शंखवीणामृदंगादिगानध्वनिव्रातनैपुण्यमेतस्य वित्तोन्नतिः ||१०८||

बृहत्पाराशरहोराशास्त्रम् 45.126

प्रकाशने शुभासने स्थितिः कृतिः शुभा नृणां |
धनोन्नतिर्गुणोन्नतिः सदा विदामगाविह |
धराधिपाधिकारिता यशोलता तता भवे |
न्नवीननीरदाकृतिर्विदेशतो महोन्नतिः ||१२६||

बृहत्पाराशरहोराशास्त्रम् 45.130

चेदगावागमं यस्य याते तदा व्याकुलत्वं सदारातिभीत्या भयम् |
महद्बन्धुवादो जनानां निपातो भवेद्वित्तहानिः शठत्वं कृशत्वं ||१३०||

← पिछला अध्याय अगला अध्याय →

पाठ का स्रोत और उपयोग अधिकार

संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11

विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।

CC BY-SA 4.0

अध्याय 45 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AA%E0%A5%AB_(%E0%A4%97%E0%A5%8D%E0%A4%B0%E0%A4%B9%E0%A4%BE%E0%A4%B5%E0%A4%B8%E0%A5%8D%E0%A4%A5%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=85825