बृहत्पाराशरहोराशास्त्रम् 19.1
आयुर्भावफलं चाऽथ कथयामि द्विजोत्तम।
आयुःस्थानाधिपः केन्द्रे दीर्घमायुः प्रयच्छति॥ १॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 19 · अध्यायः १९ (आयुर्भावफलाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 19.2
आयुस्थानाधिपः पापैः सह तत्रैव संस्थितः।
करोत्यल्पायुषं जातं लग्नेशोऽप्यत्र संस्थितः॥ २॥
बृहत्पाराशरहोराशास्त्रम् 19.3
एवं हि शनिना चिन्ता कार्या तर्कैर्विचक्षणैः।
कर्माधिपेन च तथा चिन्तनं कार्यमायुषः॥ ३॥
बृहत्पाराशरहोराशास्त्रम् 19.4
षष्ठे व्ययेऽपि षष्ठेशो व्ययाधीशो रिपौ व्यये।
लग्नेऽष्टमे स्थितो वाऽपि दीर्घमायुः प्रयच्छति॥ ४॥
बृहत्पाराशरहोराशास्त्रम् 19.5
स्वस्थाने स्वांशके वाऽपि मित्रेशे मित्रमन्दिरे।
दीर्घायुषं करोत्येव लग्नेशोऽष्टमपः पुनः॥ ५॥
बृहत्पाराशरहोराशास्त्रम् 19.6
लग्नाष्टमपकर्मेशमन्दाः केन्द्रत्रिकोणयोः।
लाभे वा संस्थितास्तद्वद् दिशेयुर्दीर्घमायुषम्॥ ६॥
बृहत्पाराशरहोराशास्त्रम् 19.7
एवं बहुविधा विद्वन्नायुर्योगाः प्रकीर्तिताः।
एषु यो बलवांस्तस्याऽनुसारादायुरादिशेत्॥ ७॥
बृहत्पाराशरहोराशास्त्रम् 19.8
अष्टमाधिपतौ केन्द्रे लग्नेशे बलवर्जते।
विंशद्वर्षाण्यसौ जीवेद् द्वात्रिंशत्परमायुषम्॥ ८॥
बृहत्पाराशरहोराशास्त्रम् 19.9
रन्ध्रेशे नीचराशिस्थे रन्ध्रे पापग्रहैर्युते।
लग्नेशे दुर्बले जन्तुरल्पायुर्भवति ध्रुवम्॥ ९॥
बृहत्पाराशरहोराशास्त्रम् 19.10
रन्ध्रेशे पापसंयुक्ते रन्ध्रे पापग्रहैर्युते।
व्यये क्रूरग्रहाक्रान्ते जातमात्रं मृतिर्भवेत्॥ १०॥
बृहत्पाराशरहोराशास्त्रम् 19.11
केन्द्रत्रिकोणगाः पापाः शुभाः षष्ठाष्टगा यदि।
लग्ने नीचस्थरन्ध्रेशो जातः सद्यो मृतो भवेत्॥ ११॥
बृहत्पाराशरहोराशास्त्रम् 19.12
पञ्चमे पापसंयुक्ते रन्ध्रेशे पापसंयुते।
रन्ध्रे पापग्रहैर्युक्ते स्वल्पमायुः प्रजायते॥ १२॥
बृहत्पाराशरहोराशास्त्रम् 19.13
रन्ध्रेशे रन्ध्रराशिस्थे चन्द्रे पापसमन्विते।
शुभदृष्टिविहीने च मासान्ते च मृतिर्भवेत्॥ १३॥
बृहत्पाराशरहोराशास्त्रम् 19.14
लग्नेशे स्वोच्चराशिस्थे चन्द्रे लाभसमन्विते।
रन्ध्रस्थानगते जीवे दीर्घमायुर्न संशयः॥ १४॥
बृहत्पाराशरहोराशास्त्रम् 19.15
लग्नेशोऽतिबली दृष्टः केन्द्रसंस्थैः शुभग्रहैः।
धनैः सर्वगुणैः सार्धं दीर्घमायुः प्रयच्छति॥ १५॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 19 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%AF_(%E0%A4%86%E0%A4%AF%E0%A5%81%E0%A4%B0%E0%A5%8D%E0%A4%AD%E0%A4%BE%E0%A4%B5%E0%A4%AB%E0%A4%B2%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74396