बृहत्पाराशरहोराशास्त्रम् 51.51
अथाऽन्तर्दशाध्यायः ||५१||
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 51 · अध्यायः ५१ (अथाऽन्तर्दशाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 51.1
दशाब्दाः स्वस्वमानघ्नाः सर्वायुर्योगभाजिताः |
पृथगन्तर्दशा एवं प्रत्यन्तरदशादिकाः ||१||
बृहत्पाराशरहोराशास्त्रम् 51.2
आदावन्तर्दशा पाकपतेस्तत्क्रमतोऽपराः |
एवं प्रत्यन्तरादौ च क्रमो ज्ञेयो विचक्षणैः ||२||
बृहत्पाराशरहोराशास्त्रम् 51.3
भुक्तिर्नवानां तुल्या स्याद् विभाज्या नवधा दशा |
आदौ दशापतेर्भुक्तिस्तत्केन्द्रादियुजां ततः ||३||
बृहत्पाराशरहोराशास्त्रम् 51.4
विद्यात् क्रमेण भुक्त्यंशानेवं सूक्ष्मदशादिकम् |
बलक्रमात् फलं विज्ञैर्वक्तव्यं पूर्वरीतितः ||४||
बृहत्पाराशरहोराशास्त्रम् 51.5
कृत्वाऽर्कधा राशिदशां राशेर्भुक्तिं क्रमाद् वदेत् |
प्रत्यन्तर्दशाद्येवं कृत्वा तत्तत्फलं वदेत् ||५||
बृहत्पाराशरहोराशास्त्रम् 51.6
आद्यसप्तमयोर्मध्ये यो राशिर्बलवांस्ततः |
ओजे दशाश्रये गण्याः क्रमादुत्क्रमतः समे ||६||
बृहत्पाराशरहोराशास्त्रम् 51.7
अत्राऽपरो विशेषोऽस्ति ब्रवीमि तमहं द्विज |
चरेऽनुज्झितमार्गः स्यात् षष्ठषष्ठादिकाः स्थिरे ||७||
बृहत्पाराशरहोराशास्त्रम् 51.8
उभये कण्टकाज् ज्ञेया लग्नपञ्चमभाग्यतः |
चरस्थिरद्विस्वभावेष्वोजेषुः प्राक् क्रमो मतः ||८||
बृहत्पाराशरहोराशास्त्रम् 51.9
तेष्वेव त्रिषु युग्मेषु ग्राह्यं व्युत्क्रमतोऽखिलम् |
एवमुल्लिखितो राशि पाकराशिरुदीर्युते ||९||
बृहत्पाराशरहोराशास्त्रम् 51.10
स एव भोगराशिः स्यात् पर्याये प्रथमे स्मृतः |
आद्याद् यावतिथः पाकः पर्याये यत्र दृश्यते ||१०||
बृहत्पाराशरहोराशास्त्रम् 51.11
तस्मात् तावतिथो भोगः पर्याये तत्र गृह्यताम् |
तदिदं चरपर्यायस्थिरपर्याययोर्द्वयोः ||११||
बृहत्पाराशरहोराशास्त्रम् 51.12
त्रिकोणाख्यदशायां च पाकभोगप्रकल्पनम् |
पाके भोगे च पापाढ्ये देपपीडा नमोव्यथा ||१२||
बृहत्पाराशरहोराशास्त्रम् 51.13
पिण्डत्रिकदशायां तु ब्रविम्यन्तर्दशाविधिम् |
पूर्ण दशापतिर्दद्यात् तदर्धं तेन संयुतः ||१३||
बृहत्पाराशरहोराशास्त्रम् 51.14
त्रिकोणगस्तृतीयांशं तुर्यांशश्चतुरस्रगः |
स्मरगः सप्तमं भागं बहुष्वेको बली ग्रहः ||१४||
बृहत्पाराशरहोराशास्त्रम् 51.15
एवं सलग्नकाः खेटाः पाचयन्ति मिथः स्थिताः |
समच्छेदीकृताः प्राप्ता अंसाश्छेदविवर्जिताः ||१५||
बृहत्पाराशरहोराशास्त्रम् 51.16
दशाब्दाः पृथगंशघ्ना अंशयोगविभाजिताः |
अन्तर्दशा भवन्त्येवं तत्प्रत्यन्तर्दशादिकाः ||१६||
बृहत्पाराशरहोराशास्त्रम् 51
-
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 51 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB%E0%A5%A7_(%E0%A4%85%E0%A4%A5%E0%A4%BE%E0%A4%BD%E0%A4%A8%E0%A5%8D%E0%A4%A4%E0%A4%B0%E0%A5%8D%E0%A4%A6%E0%A4%B6%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=85835