बृहत्पाराशरहोराशास्त्रम् 40.40
अथ राजसम्बन्धयोगाध्यायः॥४०॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 40 · अध्यायः ४० (राजसम्बन्धयोगाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 40.1
राज्यनाथे जनुर्लग्नादमात्येशयुतेक्षिते।
अमात्यकारकेणापि प्रधानत्वं नृपालये॥ १॥
बृहत्पाराशरहोराशास्त्रम् 40.2
लाभेशवीक्षिते लाभे पापदृग्योगवर्जिते।
राज्यभावे तदा विप्र प्रधानत्वं नृपालये॥ २॥
बृहत्पाराशरहोराशास्त्रम् 40.3
अमात्यकारकेणापि कारकेन्द्रेण संयुते।
तीव्रबुद्धियुतो बालो राजमन्त्री भवेद् ध्रुवम्॥ ३॥
बृहत्पाराशरहोराशास्त्रम् 40.4
अमात्यकारके विप्र सबले शुभसंयुते।
स्वक्षेत्रेस्वोच्चगे वापि राजमन्त्री भवेद् ध्रुवम्॥ ४॥
बृहत्पाराशरहोराशास्त्रम् 40.5
अमात्यकारके लग्ने पञ्चमे नवमेऽपि वा।
राजमन्त्री भवेद् बालो विख्यातो नाऽत्रसंशयः॥ ५॥
बृहत्पाराशरहोराशास्त्रम् 40.6
आत्मकारकतः केन्द्रे कोणे वाऽमात्यकारके।
तदा राजकृपायुक्तो जातो राजाश्रितः सुखी॥ ६॥
बृहत्पाराशरहोराशास्त्रम् 40.7
कारकाच्च तथारूढात् लग्नाच्च द्विजसत्तम।
तृतीये षष्ठभे पापैः सेनाधीशः प्रजायते॥ ७॥
बृहत्पाराशरहोराशास्त्रम् 40.8
कारके केन्द्रे कोणेषु स्वतुङ्गे वा स्वभे स्थिते।
भाग्यपेन युते दृष्टे राजमन्त्री भवेद् ध्रुवम्॥ ८॥
बृहत्पाराशरहोराशास्त्रम् 40.9
कारके जन्मराशीशे लग्नगे शुभसंयुते।
मन्त्रित्वे मुख्ययोगोऽयं वार्धकेनाऽत्र संशयः॥ ९॥
बृहत्पाराशरहोराशास्त्रम् 40.10
कारके शुभसंयुक्ते पञ्चमे सप्तमेऽपि वा।
दशमे नवमे वाऽपि धनं राजाश्रयाद् भवेत्॥ १०॥
बृहत्पाराशरहोराशास्त्रम् 40.11
भाग्यभावपदे लग्ने कारके नवमेऽपि वा।
राजसम्बन्धयोगोऽयं निर्विशंकं द्विजोत्तम॥ ११॥
बृहत्पाराशरहोराशास्त्रम् 40.12
लाभेशे लाभभावस्थे पापदृष्टिविवर्जिते।
कारके शुभसंयुक्ते लाभस्तस्य नृपालयात्॥ १२॥
बृहत्पाराशरहोराशास्त्रम् 40.13
लग्नेशे राज्यभावस्थे राज्येशे लग्नसंस्थिते।
प्रबलो राजसम्बन्धयोगोऽयं परिकीर्तितः॥ १३॥
बृहत्पाराशरहोराशास्त्रम् 40.14
कारकात् तुर्यंभावस्थौ सितेन्दू द्विजसत्तम।
यस्य जन्मनि जातोऽयं राजचिह्नेन संयुतः॥ १४॥
बृहत्पाराशरहोराशास्त्रम् 40.15
लग्नेशे कारके वाऽपि पञ्चमेशेन संयुते।
केन्द्रे कोणे स्थिते तस्मिन् राजमित्रं भवेन्नरः॥ १५॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 40 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AA%E0%A5%A6_(%E0%A4%B0%E0%A4%BE%E0%A4%9C%E0%A4%B8%E0%A4%AE%E0%A5%8D%E0%A4%AC%E0%A4%A8%E0%A5%8D%E0%A4%A7%E0%A4%AF%E0%A5%8B%E0%A4%97%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74917