बृहत्पाराशरहोराशास्त्रम् 17.1
अथ विप्र फलं वक्ष्ये षष्ठभावसमुद्भवम्।
देहे रोगव्रणाद्यं तत् श्रूयतामेकचेतसा॥ १॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 17 · अध्यायः १७ (षष्ठभावफलाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 17.2
षष्ठाधिपः स्वगेहे वा देहे वाऽप्यष्टमे स्थितः।
तदा व्रणा भवेद्देहे षष्ठराशिसमाश्रते॥ २॥
बृहत्पाराशरहोराशास्त्रम् 17.3
एवं पित्रादिभावेशास्तत्तत्कारकसंयुताः।
व्रणाधिपयुताश्चापि षष्ठाष्टमयुता यदि॥ ३॥
बृहत्पाराशरहोराशास्त्रम् 17.4
तेषामपि व्रणं वाच्यमादित्ये न शिरोव्रणम्।
इन्दुना च मुखे कण्ठे भौमेन ज्ञेन नाभिषु॥ ४॥
बृहत्पाराशरहोराशास्त्रम् 17.5
गुरुणा नासिकायां च भृगुणा नयने पदे।
शनिना राहुणा कुक्षौ केतुना च तथा भवेत्॥ ५॥
बृहत्पाराशरहोराशास्त्रम् 17.6
लग्नाधिपः कुजक्षेत्रे बुधभे यदि संस्थितः।
यत्र कुत्र स्थितो ज्ञेन वीक्षितो मुखरुक्प्रदः॥ ६॥
बृहत्पाराशरहोराशास्त्रम् 17.7
लग्नाधिपौ कुजबुधौ चन्द्रेण यदि संयुतौ।
राहुणा शनिना सार्द्धं कुष्ठं तत्र विनिर्दिशेत्॥ ७॥
बृहत्पाराशरहोराशास्त्रम् 17.8
लग्नाधिपं विना लग्ने स्थितश्चेत्तमसा शशी।
स्वेतकुष्ठं तदा कृष्णकुष्ठं च शनिना सह॥ ८॥
बृहत्पाराशरहोराशास्त्रम् 17.9
कुजेन रक्तकुष्ठं स्यात्तत्तदेवं विचारयेत्।
लग्ने षष्ठाष्टमाधोशौ रविणा यदि संयुतौ॥ ९॥
बृहत्पाराशरहोराशास्त्रम् 17.10
ज्वरगण्डः कुजे ग्रन्थिः शस्त्रव्रणमथापि वा।
बुधेन पित्तं गुरुणा रोगाभावं विनिर्दिशेत्॥ १०॥
बृहत्पाराशरहोराशास्त्रम् 17.11
स्त्रीभिः शुक्रेण शशिना वायुना संयुतो यदि।
गण्डश्चाण्डालतो नाभौ तमःकेतुयुते भयम्॥ ११॥
बृहत्पाराशरहोराशास्त्रम् 17.12
चन्द्रेण गण्डः सलिलैः कफश्लेष्मादिना भवेत्।
एवं पित्रादिभानां तत्तत्कारकयोगतः॥ १२॥
बृहत्पाराशरहोराशास्त्रम् 17.13
गण्डं तेषां वदेदेवमुह्यमत्र मनीषिभिः।
रोगस्थानगते पापे तदीशे पापसंयुते॥ १३॥
बृहत्पाराशरहोराशास्त्रम् 17.14
राहुणा संयुते मन्दे सर्वदा रोगसंयुतः।
रोगस्थानगते भौमे तदीशे रंध्रसंयुते॥ १४॥
बृहत्पाराशरहोराशास्त्रम् 17.15
षड्वर्षे द्वादशे वर्षे ज्वररोगी भवेन्नरः।
षष्ठस्थानगते जीवे तद्गृहे चन्द्रसंयुते॥ १५॥
बृहत्पाराशरहोराशास्त्रम् 17.16
द्वाविंशौकोनविंशेऽब्दे कुष्ठरोगं विनिर्दिशेत्।
रोगस्थानं गतो राहुः केन्द्रे मान्दिसमन्विते॥ १६॥
बृहत्पाराशरहोराशास्त्रम् 17.17
लग्नेशे नाशराशिस्थे षड्विंशे क्षयरोगता।
व्ययेशे रोगराशिस्थे तदीशे व्ययराशिगे॥ १७॥
बृहत्पाराशरहोराशास्त्रम् 17.18
त्रिंशद्वर्षैकोनवर्षे गुल्मरोगं विनिर्दिशेत्।
रिपुस्थेनगते चन्द्रे शशिना संयुते सति॥ १८॥
बृहत्पाराशरहोराशास्त्रम् 17.19
पञ्चपञ्चाशदब्देषु रक्तकुष्ठं विनिर्दिशेत्।
लग्नेशे लग्नराशिस्थे मन्दे शत्रुसमन्विते॥ १९॥
बृहत्पाराशरहोराशास्त्रम् 17.20
एकोनषष्टिवर्षे तु वातरोगार्दितो भवेत्।
रंध्रेशे रिपुराशिस्थे व्ययेशे लग्नसंस्थिते॥ २०॥
बृहत्पाराशरहोराशास्त्रम् 17.21
चन्द्रे षष्ठेश्संयुक्ते वसुवर्षे मृगाद्भयम्।
षष्ठाष्टमगतो रहुस्तस्मादष्टगते शनौ॥ २१॥
बृहत्पाराशरहोराशास्त्रम् 17.22
जातस्य जन्मतो विप्र प्रथमे च द्वितीयके।
वस्तरेऽग्निभयं तस्य त्रिवर्षे पक्षिदोषभाक्॥ २२॥
बृहत्पाराशरहोराशास्त्रम् 17.23
षष्ठाष्टमगते सूर्ये तद्व्यये चन्द्रसंयुतः।
पंचमे नवमेऽब्दे तु जलभीतिं विनिर्दिशेत्॥ २३॥
बृहत्पाराशरहोराशास्त्रम् 17.24
अष्टमे मन्दसंयुक्ते तस्माद्वा द्वादशे कुजः।
त्रिंशाब्दे दशमेऽब्दे तु स्फोटकादि विनिर्दिशेत्॥ २४॥
बृहत्पाराशरहोराशास्त्रम् 17.25
रंध्रेशे राहुसंयुक्ते तदंशे रंध्रकोणगे।
द्वाविंशेऽष्टादशे वर्षे ग्रन्थिमेहादिपीडनम्॥ २५॥
बृहत्पाराशरहोराशास्त्रम् 17.26
लाभेशे रिपुभावस्थे रोगेशे लाभराशिगे।
एकत्रिंशत्समे वर्षे शत्रुमूलाद्धनव्ययः॥ २६॥
बृहत्पाराशरहोराशास्त्रम् 17.27
सुतेशे रिपुभावस्थे षष्ठेशे गुरुसंयुते।
व्ययेशे लग्नभावस्थे तस्य पुत्रो रिपुर्भवेत्॥ २७॥
बृहत्पाराशरहोराशास्त्रम् 17.28
लग्नेशे षष्ठराशिस्थे तदीशे षष्ठराशिगे।
दशमैकोनविंशेऽब्दे शुनकाद्भीतिरुच्यते॥ २८॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 17 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%AD_(%E0%A4%B7%E0%A4%B7%E0%A5%8D%E0%A4%A0%E0%A4%AD%E0%A4%BE%E0%A4%B5%E0%A4%AB%E0%A4%B2%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74394