बृहत्पाराशरहोराशास्त्रम् 14.1
अथ विक्रमभावस्य फलं वक्ष्यामि भो द्विज।
सहजे सौम्ययुग्दृष्टे भ्रातृमान् विक्रमी नरः॥ १॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 14 · अध्यायः १४ (सहजभावफलाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 14.2
सभौमो भ्रातृभावेशो भ्रातृभावं प्रपश्यति।
भ्रात्र्क्षेत्रगतो वाऽपि भ्रातृभावं विनिर्दिशेत्॥ २॥
बृहत्पाराशरहोराशास्त्रम् 14.3
पापयोगेन तौ पापक्षेत्रयोगेन वा पुनः।
उत्पाट्य सहजान् सद्यो निहन्तरौ न संशयः॥ ३॥
बृहत्पाराशरहोराशास्त्रम् 14.4
स्त्रीग्रहो भ्रातृभावेशः स्त्रीग्रहो भ्रातृभावगः।
भगिनी स्यात् तथा भ्राता पुंगृहे पुंग्रहो यदि॥ ४॥
बृहत्पाराशरहोराशास्त्रम् 14.5
मिश्रे मिश्रफलं वाच्यं बलाबलविनिर्णयात्।
मृतौ कुजतृतीयेशौ सहोदरविनाशकौ॥ ५॥
बृहत्पाराशरहोराशास्त्रम् 14.6
केन्द्रत्रिकोणगे वाऽपि स्वोच्चमित्रस्ववर्गगे।
कारके सहजेशे या भ्रातृसौख्यं विनिर्दिशेत्॥ ६॥
बृहत्पाराशरहोराशास्त्रम् 14.7
भ्रातृभे बुधसंयुक्ते तदीशे चन्द्रसंयुते।
कारके मन्दसंयुक्ते भगिन्येकाग्रतो भवेत्॥ ७॥
बृहत्पाराशरहोराशास्त्रम् 14.8
पश्चात् सहोदरोऽप्येकस्तृतीयस्तु मृतो भवेत्।
कारके राहुसंयुक्ते सहजेशे तु नीचगे॥ ८॥
बृहत्पाराशरहोराशास्त्रम् 14.9
पश्चात् सहोदराभावं पूर्वं तु तत्त्रयं वदेत्।
भ्रातृस्थानाधिपे केन्द्रे कारके तत्त्रिकोणगे॥ ९॥
बृहत्पाराशरहोराशास्त्रम् 14.10
जीवेन सहिते चोच्चे ज्ञेया द्वादश सोदराः।
तत्र ज्येष्ठद्वियं तद्वज्जातकाच्च तृतीयकम्॥ १०॥
बृहत्पाराशरहोराशास्त्रम् 14.11
सप्तमं नवमं चैव द्वादशं च मृतं वदेत्।
शेषाः सहोदराः षड् वै भवेयुर्दीर्घजीवनाः॥ ११॥
बृहत्पाराशरहोराशास्त्रम् 14.12
व्ययेशेन युतो भौमो गुरुणा सहितोऽपि वा।
भ्रातृभावे स्थिते चन्द्रे सप्तसंख्यास्तु सोदराः॥ १२॥
बृहत्पाराशरहोराशास्त्रम् 14.13
भ्रातृस्थाने शशियुते केवलं पुङ्ग्रहेक्षिते।
सहजा भ्रातरो ज्ञेयाः शुक्रयुक्तेक्षितेऽन्यथा॥ १३॥
बृहत्पाराशरहोराशास्त्रम् 14.14
अग्रे जातं रविर्हन्ति पृष्ठे जातं शनैश्चरः।
अग्रजं पृष्ठजं हन्ति सहजस्थो धरासुतः॥ १४॥
बृहत्पाराशरहोराशास्त्रम् 14.15
एतेषां विप्र योगानां बलाबलविनिर्णयात्।
भ्रातृणां भगिनीनां वा जातकस्य फलं वदेत्॥ १५॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 14 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%AA_(%E0%A4%B8%E0%A4%B9%E0%A4%9C%E0%A4%AD%E0%A4%BE%E0%A4%B5%E0%A4%AB%E0%A4%B2%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74390