बृहत्पाराशरहोराशास्त्रम् 13.1
धनभावफलं वच्मि स्रृणु त्वं द्विजसत्तम।
धनेशो धनभावस्थः केन्द्रकोणगतोऽपि वा॥ १॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 13 · अध्यायः १३ (धनभावफलाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 13.2
धनवृद्धिकरो ज्ञेयस्त्रिकस्थो धनहानिकृत्।
धनदश्च धने सौम्यः पापो धनविनाशकृत्॥ २॥
बृहत्पाराशरहोराशास्त्रम् 13.3
धनाधिपो गुरुर्यस्य धनभावगतो भवेत्।
भौमेन सहितो वाऽपि धनवान् स नरो भवेत्॥ ३॥
बृहत्पाराशरहोराशास्त्रम् 13.4
धनेशे लाभभावस्थे लाभेशे वा धनं गते।
तावुभौ केन्द्रकोणस्थौ धनवान् स नरो भवेत्॥ ४॥
बृहत्पाराशरहोराशास्त्रम् 13.5
धनेशे केन्द्रराशिस्थे लाभेशे तत्त्रिकोणगे।
गुरुशुक्रयुते दृष्टे धनलाभमुदीरयेत्॥ ५॥
बृहत्पाराशरहोराशास्त्रम् 13.6
धनेशो रिपुभावस्थो लाभेशस्तद्गतो यदि।
धनायौ पापयुक्तौ वा दृष्टौ निर्धन एव सः॥ ६॥
बृहत्पाराशरहोराशास्त्रम् 13.7
धनलाभाधिपावस्तौ पापग्रहसमन्वितौ।
जन्मप्रभृतिदारिद्रं भिक्षान्नं लभते नरः॥ ७॥
बृहत्पाराशरहोराशास्त्रम् 13.8
षष्ठेऽष्टमे व्यये वाऽपि धनलाभाधिपौ यदि।
लाभे कुजोधने राहू राजदण्डाद् धनक्षयः॥ ८॥
बृहत्पाराशरहोराशास्त्रम् 13.9
लाभे जीवे धने शुक्रे धनेशे शुभसंयुते।
व्यये च शुभसंयुक्ते धर्मकार्ये धनव्ययः॥ ९॥
बृहत्पाराशरहोराशास्त्रम् 13.10
स्वभोच्चस्थे धनाधीशे जातको जनपोषकः।
परोपकारी ख्यातश्च विज्ञेयो द्विजसत्तम॥ १०॥
बृहत्पाराशरहोराशास्त्रम् 13.11
स्थिते पारावतांशादौ धनेशे शुभसंयुते।
तद्गृहे सर्वसम्पत्तिर्विनाऽयासेन जायते॥ ११॥
बृहत्पाराशरहोराशास्त्रम् 13.12
नेत्रेशे बलसंयुक्ते शोभनाक्षो भवेन्नरः।
षष्ठाष्टमव्ययस्थे च नेत्रवैकल्यवान् भवेत्॥ १२॥
बृहत्पाराशरहोराशास्त्रम् 13.13
धनेशे पापसंयुक्ते धने पापसमन्विते।
पिशुनोऽसत्यवादी च वातव्याधिसमन्वितः॥ १३॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 13 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9_(%E0%A4%A7%E0%A4%A8%E0%A4%AD%E0%A4%BE%E0%A4%B5%E0%A4%AB%E0%A4%B2%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74389