बृहत्पाराशरहोराशास्त्रम् 11.1
अरिष्टं तत्प्रभङ्गं च श्रुतं त्वत्तो मया मुने।
कस्माद् भावात् फलं किं किं विचार्यमिति मे वद॥ १॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 11 · अध्यायः ११ (भावविवेकाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 11.2
देहं रूपं च ज्ञानं च वर्णं चैव बलाबलम्।
सुखं दुःखं स्वभावञ्च लग्नभावान्निरीक्षयेत्॥ २॥
बृहत्पाराशरहोराशास्त्रम् 11.3
धनधान्यं कुटुम्बांश्च मृत्युजालममित्रकम्।
धातुरत्नादिकं सर्वं धनस्थानान्निरीक्षयेत्॥ ३॥
बृहत्पाराशरहोराशास्त्रम् 11.4
विक्रमं भृत्यभ्रात्रादि चोपदेशप्रयाणकम्।
पित्रोर्वै मरणं विज्ञो दुश्चिक्याच्च निरीक्षयेत्॥ ४॥
बृहत्पाराशरहोराशास्त्रम् 11.5
वाहनान्यथ बन्धूंश्च मातृसौख्यादिकान्यपि।
निधि क्षेत्रं गृहं चापि चतुर्थात् परिचिन्तयेत्॥ ५॥
बृहत्पाराशरहोराशास्त्रम् 11.6
यन्त्रमन्त्रौ तथा विद्यां बुद्धेश्चैव प्रबन्धकम्।
पुत्रराज्यापभ्रांशादीन् पश्येत् पुत्रालयाद् बुधः॥ ६॥
बृहत्पाराशरहोराशास्त्रम् 11.7
मातुलान्तकशंकानां शत्रूंश्चैव व्रणादिकान्।
सपत्नीमातरं चापि षष्ठभावान्निरीक्षयेत्॥ ७॥
बृहत्पाराशरहोराशास्त्रम् 11.8
जायामध्वप्रयाणं च वाणिज्यं नष्टवीक्षणम्।
मरणं च स्वदेहस्य जायाभावान्निरीक्षयेत्॥ ८॥
बृहत्पाराशरहोराशास्त्रम् 11.9
आयु रणं रिपुं चापि दुर्गं मृतधनं तथा।
गत्यनुकादिकं सर्वं पश्येद्रन्ध्राद्विचक्षणः॥ ९॥
बृहत्पाराशरहोराशास्त्रम् 11.10
भाग्यं श्यालं च धर्मं च भ्रातृपत्न्यादिकांस्तथा।
तीर्थयात्रादिकं सर्वं धर्मस्थानान्निरीक्षयेत्॥ १०॥
बृहत्पाराशरहोराशास्त्रम् 11.11
राज्यं चाकाशंवृत्तिं च मानं चैव पितुस्तथा।
प्रवासस्य ऋणस्यापि व्योमस्थानान्निरीक्षणम्॥ ११॥
बृहत्पाराशरहोराशास्त्रम् 11.12
नानावस्तुभवस्यापि पुत्रजायादिकस्य च।
आयं वृद्धिं पशूनां च भवस्थानान्निरीक्षणम्॥ १२॥
बृहत्पाराशरहोराशास्त्रम् 11.13
व्ययं च वैरिवृत्तान्तरिःफमन्त्यादिकं तथा।
व्ययाच्चैष हि ज्ञातव्यमिनि सर्वत्र धीमता॥ १३॥
बृहत्पाराशरहोराशास्त्रम् 11.14
यो यो शुभैर्युतो दृष्टो भावो वा पतिदृष्टयुक्।
युवा प्रवृद्धो राज्यस्थः कुमारो वाऽपि यत्पतिः॥ १४॥
बृहत्पाराशरहोराशास्त्रम् 11.15
तदीक्षणवशात् तत्तद्भाबसौख्यं वदेद् बुधः।
यद्यद् भावपतिर्नष्टस्त्रिकेशाद्यैश्च संयुतः॥ १५॥
बृहत्पाराशरहोराशास्त्रम् 11.16
भावं न वीक्षते सम्यक् सुप्तो वृद्धोमृतोऽथवा।
पीडितो वाऽस्य भावस्य फलं नष्टं वदेद् ध्रुवम्॥ १६॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 11 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A7_(%E0%A4%AD%E0%A4%BE%E0%A4%B5%E0%A4%B5%E0%A4%BF%E0%A4%B5%E0%A5%87%E0%A4%95%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74387