बृहत्पाराशरहोराशास्त्रम् 5.1
अथाहं सम्प्रवक्ष्यामि तवाग्रे द्विजसत्तम।
भावहोराघटीसंज्ञलग्नानीति पृथक् पृथक्॥ १॥
अध्ययन · संस्कृत · शास्त्रीय संदर्भSTUDY · SANSKRIT · CLASSICAL REFERENCES
बृहत्पाराशरहोराशास्त्रम् · अध्याय 5 · अध्यायः ५ (विशेषलग्नाध्यायः)
97 अध्यायों की सूची; 91 अध्यायों का पाठ उपलब्ध। अध्याय 16, 18, 20, 22, 23 और 35 में स्रोत का गलत दोहराव मिलने से पाठ रोका गया है। यह अभी पूर्ण BPHS नहीं है।
मूल मुद्रित संस्करण से पूर्ण प्रूफरीड शेष है। OCR/टाइपिंग त्रुटियाँ और संस्करणों के पाठभेद संभव हैं। अनुवाद जहाँ उपलब्ध है वहीं दिखता है। मशीन अनुवाद का मसौदा और संपादक द्वारा जाँचा अनुवाद अलग चिह्नित हैं।
बृहत्पाराशरहोराशास्त्रम् 5.2
सूर्योदयं समारभ्य घटिकानां तु पंचकम्।
प्रयाति जन्मपर्यन्तं भावलग्नं तदेव हि॥ २॥
बृहत्पाराशरहोराशास्त्रम् 5.3
इष्टं घट्यादिकं भक्त्वा पंचभिर्भादिजं फलम्।
योज्यमौदयिके सूर्ये भावलग्नं स्फुटं च तत्॥ ३॥
बृहत्पाराशरहोराशास्त्रम् 5.4
तथा सार्धद्विघटिकामितादर्कोदयाद् द्विज।
प्रयाति लग्नं तन्नाम होरालग्नं प्रचक्षते॥ ४॥
बृहत्पाराशरहोराशास्त्रम् 5.5
इष्टघट्यादिकं द्विघ्नं पञ्चाप्तं भादिकं च यत्।
योज्यमौदयिके भानौ होरालग्नं स्फुटं हि तत्॥ ५॥
बृहत्पाराशरहोराशास्त्रम् 5.6
कथयामि घटीलग्नं सृनु त्वं द्विजसत्तम।
सूर्योदयत् समारभ्य जन्मकालावधि क्रमात्॥ ६॥
बृहत्पाराशरहोराशास्त्रम् 5.7
एकैकघटिकामानात् लग्नं यद्याति भादिकम्।
तदेव घटिकालग्नं कथितं नारदादिभिः॥ ७॥
बृहत्पाराशरहोराशास्त्रम् 5.8
राशयस्तु घटीतुल्याः पलार्धप्रमितांशकाः।
योज्यमौदयिके भनौ घटीलग्नं स्फुटं हि तत्॥ ८॥
बृहत्पाराशरहोराशास्त्रम् 5.9
क्रमादेषां च लग्नानां भावकोष्ठं पृथक् लिखेत्।
ये ग्रहा यत्र भे तत्र ते स्थाप्या राशिलग्नवत्॥ ९॥
बृहत्पाराशरहोराशास्त्रम् 5.10
वर्णदाख्यदशां भानां कथयाम्यथ तेऽग्रतः।
यस्य विज्ञानमात्रेण वदेदायुर्भवं फलम्॥ १०॥
बृहत्पाराशरहोराशास्त्रम् 5.11
ओजलग्नप्रसूतानां मेषादेर्गणयेत् क्रमात्।
समलग्नप्रसूतानाम् मीनादेरपसव्यतः॥ ११॥
बृहत्पाराशरहोराशास्त्रम् 5.12
मेषमीनादितो जन्मलग्नान्तं गणयेत् सुधीः।
तथैव होरालग्नान्तं गणयित्वा ततः परम्॥ १२॥
बृहत्पाराशरहोराशास्त्रम् 5.13
ओजत्वेन समत्वेन सयातीये उभे यदि।
तर्हि संख्ये योजयीत वैजात्ये तु वियोजयेत्॥ १३॥
बृहत्पाराशरहोराशास्त्रम् 5.14
मेषमीनादितः पश्चाद्यो राशिः स तु वर्णदः।
एतत्प्रयोजनं वक्ष्ये सृणु त्वं द्विजपुंगवः।
होरालग्नभयोर्नेया सबलाद्वर्णदा दशा॥ १४॥
बृहत्पाराशरहोराशास्त्रम् 5.15
यत्संख्ये वर्णदो लग्नात् तत्तत्संख्याक्रमेण तु।
क्रमयुत्क्रमभेदेन दशा स्यादोजयुग्मयो॥ १५॥
बृहत्पाराशरहोराशास्त्रम् 5.16
पापदृष्टिः पापयोगो वर्ण्दस्य त्रिकोणके।
यदि स्यात् तर्हि तद्राशिपर्यन्तं तस्य जीवनं॥ १६॥
बृहत्पाराशरहोराशास्त्रम् 5.17
रुद्रशूले यथैवायुर्मरणादि निरूप्यते।
तथैव वर्णदस्यपि त्रिकोणे पापसंगमे॥ १७॥
बृहत्पाराशरहोराशास्त्रम् 5.18
वर्णदादपि भो विप्र लग्नवच्चिन्तयेत् फलम्।
वर्णदात् सप्तमाद् भावत् कलत्रायुर्विचिन्तयेत्॥ १८॥
बृहत्पाराशरहोराशास्त्रम् 5.19
एकादशादग्रजस्य तृतीयात्तु यवीयसः।
सुतस्य पंचमे विद्यान्मातुश्चतुर्थभावत्॥ १९॥
बृहत्पाराशरहोराशास्त्रम् 5.20
पितुश्च नवमाद् भावादयुरेवं विचिन्तयेत्।
शूलराशिदशायां वै प्रवलायामरिष्टकम्॥ २०॥
बृहत्पाराशरहोराशास्त्रम् 5.21
एवं तन्वादिभावानां कर्तव्या वर्णा दशा।
पूर्ववच्च फलं ज्ञेयं देहिनां च शुभाशुभम्॥ २१॥
बृहत्पाराशरहोराशास्त्रम् 5.22
ग्रहनां वर्णदा नैव राशीनां वर्ण्दा दशा।
कृत्वार्कधा राशिदशां क्रमादन्तर्दशां वदेत्॥ २२॥
बृहत्पाराशरहोराशास्त्रम् 5.23
एवमन्तर्दशादिं च कृत्वा तेन फलं वदेत्।
क्रमव्युत्क्रमभेदेन लिखेदन्तर्दशामपि॥ २३॥
बृहत्पाराशरहोराशास्त्रम् 5.24
स्वस्वदेशोद्भवं लग्नं जन्मलग्नमिमिहोच्यते।
भावहोरादिलग्नानां सर्वत्रैव समक्रिया॥ २४॥
पाठ का स्रोत और उपयोग अधिकार
संस्कृत विकिस्रोत के योगदानकर्ता · CC BY-SA 4.0 · सुरक्षित प्रति: 2026-10-11
विकिस्रोत से सुरक्षित इलेक्ट्रॉनिक पाठ; मूल मुद्रित संस्करण का OCR नहीं अध्याय और श्लोकों में विभाजन, नेविगेशन हटाया; पाठ की वर्तनी अपरिवर्तित।
अध्याय 5 · स्रोत संस्करण: https://sa.wikisource.org/w/index.php?title=%E0%A4%AC%E0%A5%83%E0%A4%B9%E0%A4%A4%E0%A5%8D%E0%A4%AA%E0%A4%BE%E0%A4%B0%E0%A4%BE%E0%A4%B6%E0%A4%B0%E0%A4%B9%E0%A5%8B%E0%A4%B0%E0%A4%BE%E0%A4%B6%E0%A4%BE%E0%A4%B8%E0%A5%8D%E0%A4%A4%E0%A5%8D%E0%A4%B0%E0%A4%AE%E0%A5%8D/%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB_(%E0%A4%B5%E0%A4%BF%E0%A4%B6%E0%A5%87%E0%A4%B7%E0%A4%B2%E0%A4%97%E0%A5%8D%E0%A4%A8%E0%A4%BE%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83)&oldid=74381